Հրեայ-Կաթողիկէ Երկխօսութեան Խորացումի Ու Զարգացման 23-րդ Օրը։
Իտալիոյ Եկեղեցին 17 յունուար 2012ին, կը նշէ Հրեայ-Կաթողիկէ երկխօսութեան խորացումի
ու զարգացման 23րդ օրը որուն այս տարուայ նիւթն է <<Մի սպաններ>>պատուիրանը։ Ազգային
հրեայ-Կաթողիկէ երկխօսութեան այս օրը սկիզբ առած է Իտալական եպիսկոպոսական Համահաւաք
դասի` կամքով 1990-ին, այսպէս ամէն տարի 17 յունուարը հաստատելով որպէս հրեայ-Կաթողիկէ
երկխօսութեան օրը, ճիշդ քրիստոնեաներու միութեան աղօթքի շաբթուայ նախօրեակին, որ ամէն
տարի կը կատարուի 18-25 յունուար։ Այս թուականը (17 յունուարը) հաստատուած է մատնանշելու
համար նաեւ՝ այն առանձնաշնորհեալ կապը քրիստոնեայ ու հրեայ կրօններու միջեւ։ Հրեաներու
հետ Հոգեւոր երկխօսութեան յանձնախումբի նախագահը՝ կարտինալ Գիւրթ Գոխ, այս առթիւ հրաւիրած
է կաթողիկէ եկեղեցւոյ բոլոր եպիսկոպոսական համահաւաք դասերը, որ իրենց կարգին հաստատեն
երկխօսութեան նշումի օր մը, մանաւանդ այն վայրերուն մէջ, ուր քրիստոնեաներն ու հրեաները
կ՛ապրին կողք կողքի` ։ Հրեաներու օրուայ առթիւ Հռոմի Բալացցօ Մոնթէչիթորիոյի մէջ
տեղի կ՛ունենայ Համաժողով <<ընտանիքը որպէս տնտեսութեան ծաւալումի շարժիչ ուժ։ Արժէք
ու հեռանկար>> նիւթին մասին։