Папскі ўніверсітэт Святога Крыжа ў Рыме прымеркаваў да Года Веры, абвешчанага Святым
Айцом, выданне адмысловай інтэрнэт-кнігі. За няпоўны месяц яе спампавала больш за
5 тыс. чалавек. Чытачы – гэта карыстальнікі кампутараў, планшэтаў і смартфонаў. Інтэрнэт-выданне
пад назвай “Тэзісы хрысціянскай веры”, базуецца выключна на Катэхізісе Каталіцкага
Касцёла. Публікацыя заклікана дапамагчы чытачам паглыбіць або адшукаць веру. Як паведамляюць
аўтары, інтэрнэт-кніга прыдатная як для асабістага вывучэння, так і для працы ў групах,
і складаецца з 41 кароткага артыкула, якія ў даступнай форме перадаюць асноўныя тэзісы
каталіцкай веры і хрысціянскага “крэдо”.
Год Веры распачнецца 11 кастрычніка
2012 г, у 50-ю гадавіну адкрыцця Другога Ватыканскага сабора і 20-годдзе публікацыі
Катэхізіса Каталіцкага Касцёла.