17 студзеня Заля Друку Апостальскай Сталіцы паінфармавала, што 13 мая 2012 г. Святы
Айцец наведае з пастырскім візітам італьянскую дыяцэзію Арэцца-Корціна-Сансэполькро.
“Мы радуемся, што Святы Айцец жадае прыняць удзел разам з намі ў святкаванні 1000-гадовага
юбілею дыяцэзіі, даючы высокую ацэнку духоўнай ідэнтычнасці нашай касцёльнай супольнасці”,
- сказаў арцыбіскуп Рыкарда Фантана, кіраўнік дыяцэзіі.
Іерарх адзначыў, што
па прашэсці 5 стагоддзяў Пантыфік вернецца ў Сансэполькро, каб пацвердзіць яшчэ раз
сувязь дыяцэзіі з Іерусалімам. “Мы вельмі ўдзячныя Богу і Святому Айцу за наведанне
нашага дыяцэзіяльнага Касцёла, які атрымаў яшчэ адну ласку аднаўлення пасля незабыўнай
сустрэчы з бл. Янам Паўлам ІІ у 1993 г.” , - сказаў арцыбіскуп Рыкарда Фантана.
“Афіцыйнае
паведамленне аб візіце Бэнэдыкта ХVI на нашу зямлю дазваляе нам пачаць з сённяшняга
дня падрыхтоўку да сустрэчы з Папам, якога мы пазнаёмім з духоўным багаццем нашага
Касцёла і з рознымі формамі яго пастырскага і культурнага досведаў і будзем прасіць
у Святога Айца ўмацаваць нашу веру ў Езуса Хрыста”, - сказаў іерарх.
13 мая
ў першай палове дня ў Арэцца Бэнэдыкт ХVI узначаліць св. Імшу і памоліцца “Regina
caeli” перад катэдральным касцёлам горада. У другой палове дня Святы Айцец наведае
францішканскі санктуарый ў Вэрне і конкатэдральны касцёл у Сансэполькро, які сёлета
адзначае сваё тысячагоддзе.