Կաթողիկէ Եկեղեցւոյ Եւ Արեւելեան Եկեղեցիներու Միջեւ Աստուածաբանական Երկխօսութեան Միջազգային Յանձնախումբի Հաւաքը՝ Ատտիս-Ապէպայի Մէջ ։

Եւթովպիոյ մէջ 16- 23 յունուար տեղի կ՛ունենայ Կաթողիկէ եկեղեցւոյ եւ Արեւելեան եկեղեցիներու միջեւ Աստուածաբանական երկխօսութեան միջազգային Յանձնախումբի հաւաքը։ Սոյն հաւաքին կը մասնակցին ի շարս ՝ Քրիստոնեաներու Միութեան Քահանայապետական խորհուրդի նախագահը՝ կարտինալ Գիւրդ Գոխ եւ սոյն խորհուրդի անդամ՝ հայր Կապրիել Քուիք։ Նշենք որ Կաթողիկէ եկեղեցւոյ եւ Արեւելեան եկեղեցիներու միջեւ Աստուածաբանական երկխօսութեան միջազգային Յանձնախումբը հիմնուած է 2003-ի յունուարին, ու այս Յանձնախումբի մաս կը կազմեն Ղպտի եւ Ասորի օրթոտոքս եկեղեցիները, Հայ առաքելական եկեղեցին՝ Էջմիածնի եւ Կիլիկիոյ Աթոռի ներակայացուցիչներով, նաեւ՝ Եւթովպիոյ ու Էրիթրէայի օրթոտոքս եկեղեցիները ինչպէս նաեւ Ասորի Մալանքար օրթոտոքս եկեղեցին։