՜՜Գաղթականները Հարստութիւն Մըն Են ժողովրդապետութիւններու Համար՝՝ Կը գրէ Մեծն Պրիթանիոյ
եպիսկոպոսական համահաւաք դասի` գաղթականներու գրասենեակի պատասխանատու՝ գերպայծառ Բաթրիք
Լինջ։
Գաղթականներու 89րդ միջազգային օրուան առթիւ՝ որ կը նշուի կիրակի 15 յունուարին Մեծն
Պրիտանիոյ եպիսկոպոսական համահաւաք դասի` գաղթականներու գրասենեակի պատասխանատուն՝ գերպայծառ
Բաթրիք Լինջ, հրատարակած է պատգամ մը՝ որուն մէջ կը հրաւիրէ հաւատացեալները քաղելու
եկեղեցւոյ նպաստաւոր այն օգուտները զոր <<հաւատքի ու վկայութեան>> ճամբով գաղթականներու
հասարակութիւնը կու տայ ամէն օր։Այս ուղղութեամբ` գերպայծառ Լինջ կոչ կ՛ուղղէ հաւատացեալներուն
ապրելու իրենց հաւատքի ճանապարհը որպէս <<կեանքի ճանապարհ>> որ պէտք է կատարուի որպէս
<<համայնք>>։ Գերապայծառ Լինջ ապա կը մատնանշէ Պենետիկտոս ԺԶ Սրբազան Քահանայապետին գաղթականներու
միջազգային 89րդ օրուայ առթիւ յղած պատգամին նիւթին որ է <<գաղթականութիւն եւ նոր աւետարանցում>>
ու կը խնդրէ հաւատացեալներէն ըլլալու գիտակից թէ ամէնքս կանչուած ենք աւետարանը ընդունելու
եւ աւետարանելու, վկայելով՝ Աստուծոյ խօսքը ու Քրիստոսի Յարութիւնը ժամանակակից աշխարհի
մէջ։