Італія: парафія прыняла 400 пасажыраў затануўшага судна “Costo Concordia”
Пробашч парафіі св. Пятра на італьянскім востраве Джыльё кс. Вітторыё Досіо прыняў
на начлег у будынку касцёла і школы каля 400 ахвяр крушэння карабля “Costo Concordia”,
якое здарылася раніцай 14 студзеня. Паводле папярэдніх дадзеных, карабль з больш чым
4 тыс. пасажыраў на борце сутыкнуўся з каменным рыфам, у выніку чаго ўтварылася прабоіна
і судна пачало тануць. На дадзены момант вядома аб 8 загінуўшых і каля 30 параненых
пасажырах.
У інтэрв’ю нашаму радыё кс. Досіо расказаў, што ахвяры трагедыі
былі размешчаны ў порце, партовым касцёле, мясцовых гатэлях, прыватных дамах, а таксама
ў яго парафіі. “Каля 200 чалавек я размясціў у будынку касцёла, а астатніх у школе”,
- расказаў святар.
“Людзі былі вельмі неспакойнымі – хтосці згубіў дзіця,
іншыя жонку. Усю ноч, яны тэлефанавалі з майго тэлефона ў розныя арганізацыя, якія
займаліся пошукам і дапамогай ахвярам здарэння. Сярод пасажыраў карабля былі людзі
розных нацыянальнасцяў: немцы, англічане, японцы, карэйцы. Мне было вельмі цяжка зразумець,
што яны гавораць”, - расказаў кс. Вітторыё.
Святар адзначыў, што людзі былі
вельмі напужаныя і многія з іх не мелі верхняй вопраткі і абутку. “Разам з парафіянамі
мы здолелі, наколькі гэта было магчыма, дапамагчы ахвярам трагедыі, прадставіўшы ім
матрасы, коўдры, цёплыя рэчы, ваду і каву”, - расказаў пробашч.