Չեխ Կառավարութիւնը Կ՝ընդունի ֆինանսաւորել Եկեղեցին Որպէս Հատուցում Համայնավարութեան Տարիներուն Բռնագրաւուած Կալուածներուն։

Երկար տարիներու սուր բանակցութիւններէ ետք, անցեալ 11 յունուարին՝ չեխ կառավարութիւնը ֆինասաւորական հատուցումի համաձայնութիւն մը կնքեց կաթողիկէ եկեղեցւոյ հետ ։ Օրէնքը կը նախատեսէ որ եկեղեցին վերստանայ համայնավարութեան տարիներուն բռնագրաւուած կալուածներուն 56 տոկոսը, իսկ մնացածին համար դրամական հատուցում պիտի կատարէ, աւելի քան 3 միլիառ եւրօ, յառաջիկայ 30 տարիներուն ընթացքին։ Պետութիւնը իր կարգին պիտի դադրեցնէ ամսականներու վճառումը եկեղեցականներուն։