Біскупская Канферэнцыя
ЗША абвясціла, што 21-22 студзеня ў краіне адбудзецца штогадовы збор ахвяраванняў
прызначаных на дапамогу Касцёлу ў краінах Лацінскай Амерыкі. Ініцыятыва мае на мэце
дапамогу паўднёваамерыканскім дыяцэзіям у фінансаванні іх місійных праектаў, у адукацыі
і выхаванні вернікаў і катэхізацыі дзяцей. Арцыбіскуп Лос-Анджэлеса Хосэ Гомес, старшыня
камісіі па справах Лацінскай Амерыкі пры епіскапаце ЗША звярнуўся з заклікам да іспанамоўных
вернікаў краіны, каб тыя шчодра адгукнуліся на гэту ініцыятыву. “Гэтая акцыя павінна
даць вам нагоду прадэманстраваць салідарнасць з Касцёлам у краінах з якіх вы паходзіце
і паспрыяць новай евангелізацыі Лацінскай Амерыкі”, - сказаў іерарх.
У 2011
г. дзякуючы ахвяраванням амерыканскіх вернікаў стала магчымым фінансаванне 407 праектаў
на агульную суму 7,1 млн. долараў, з якіх 1,8 млн былі прызначаны на адукацыю законнікаў
і законніц, семінарыстаў, святароў і дыяканаў. У мінулым годзе Камісія па справах
Лацінскай Амерыкі пры епіскапаце ЗША стварыла спецыяльны фонд для збору сродкаў на
адбудову касцёлаў і іншых рэлігійных будынкаў, якія былі знішчаны ў выніку стыхійных
бедстваў. Восенню 2011 г. біскупы ЗША прызначылі яшчэ дадатковыя 2,7 млн. долараў
на 174 праекты, якія цяпер рэалізуюцца ў краінах Лацінскай Амерыкі.