На Кубе пачалася падрыхтоўка
да святкавання 400-годдзя адшукання статуэткі Найсвяцейшай Панны Марыі з Карыдад дэль
Кобрэ. У сувязі з набліжаючайся ўрачыстасцю, кубінскія біскупы абвясцілі пачатак спецыяльнага
юбілейнага года. 7 студзеня, прадстаўнікі кубінскага епіскапата цэлебравалі св. Імшу
ў гэтым марыйным санктуарыі. Асаблівую ўрачыстасць святкаванні набудуць дзякуючы візіту
Бэнэдыкта XVI на карыбскі востраў, які пройдзе 26-28 сакавіка.
У інтэрв’ю агенству
“Aci Prensa” генеральны сакратар Канферэнцыі Біскупаў Кубы арцыбіскуп Хуан дэ Дзіас
Хернандэз, падкрэсліў, што Юбілейны год з’яўляецца момантам вялікай сустрэчы з Богам
праз Панну Марыю. Іерарх адзначыў, што візіт Папы на востраў будзе “сапраўдным благаслаўленнем”
і нагадаў дэвіз гэтага падарожжа: “Пілігрым любові”. Арцыбіскуп Хернандэз падкрэсліў,
што толькі “любоў здольная аб’яднаць кубінскі народ незалежна ад поглядаў і веравызнання
людзей”.
7 снежня 2011 г., абвяшчаючы Юбілейны год, біскупы Кубы адзначылі,
што статуэтка Панны Марыі з Карыдад дэль Кобрэ, з’яўляецца “выразам кубінскай душы,
як паказалі 400 гадоў гісторыі”. “Куба мае патрэбу ў радасці веры і Панна Любові прыйшла
да сваіх дзяцей каб тыя, хто аддаліўся ад Бога маглі вярнуцца да Яго. А тыя, хто засталіся
цвёрдымі ў хрысціянскай веры маглі працягваць узрастаць у сваёй дзейнасці, на карысць
адзінства, праўды і любові паміж тымі, хто складае адзін народ, перамагаючы цяжкасці
заўсёды памятаючы аб павазе адзін да аднаго”, - адзначаецца ў пасланні кубінскага
епіскапата.