Papa: të rriturit janë edukatorë të mirë nëse bashkëpunojnë me Zotin
Me dëgjimin e Fjalës së Zotit, me lutje e besnikëri ndaj Sakramenteve të Shenjta,
prindërit bëhet për fëmijët e tyre dëshmitarë të së vërtetës e të dashurisë së Zotit.
Ky është mësimi që Benedikti XVI shkëputi nga liturgjia e Meshës së sotme kremtuar
paradite në Kapelën Sikstina në Vatikan, në ditën e festës së Pagëzimit të Krishtit.
Sipas traditës. Gjatë kremtimit ceremonisë Papa pagëzoi 16 fëmijë. Gjatë lutjes së
Engjëllit të Tënzot në mesditë, Papa përsëriti se vetëm Krishti mund të na japë “dinjitetin
e mundësinë për t’u bërë bijë të Zotit”. “Të edukosh është punë me shumë përgjegjësi,
nganjëherë e vështirë për aftësitë tona njerëzore, përherë të kufizuara. Mirëpo edukimi
bëhet mision i mrekullueshëm nëse bëhet në bashkëpunim me Zotin, që është edukatori
i parë dhe i vërtetë i çdo njeriu”, pohoi Papa. Të rriturit arrijnë të jenë edukatorë
të mirë, atëherë kur ata të parët, ushqehen me Fjalën e Zotit dhe me sakramente e
ua transmetojnë fëmijëve e të rinjve. Kështu pohoi mes tjerash Papa Benedikti XVI
gjatë homelisë me rastin e kremtimit të sakramentit të Pagëzimit të 16 fëmijëve në
kapelën Sikstina në Vatikan. “Si njerëz të rritur – pohoi Papa Ratcinger – ne jemi
përpjekur të ushqehemi prej burimeve të mira, për të mirën tonë e të atyre që na janë
besuar me shumë ndërgjegjësim, në mënyrë të veçantë ju, të dashur prindër, nuna e
nunesha, për të mirën e këtyre fëmijëve”. “E cilat janë ‘burimet e shpëtimit’?
– vijoi Benedikti XVI – janë Fjala e Zotit dhe sakramentet. Të rriturit janë të parët
ata që duhet të ushqehen prej tyre burimeve, për qenë në gjendje për t’i udhëhequr
pastaj të rinjtë gjatë rritjes së tyre. Prindërit duhet të japin shumë – pohoi Ati
i Shenjtë – por për të dhënë kanë nevojë ata personalisht më parë të marrin, përndryshe
zbrazën, thahen. Prindërit nuk janë burim, ashtu sikur as meshtarët nuk janë burim:
mund të themi se jemi porsi kanalet, përmes të cilëve duhet të kalon limfa jetike
e dashurisë së Zotit”.