Յառաջիկայ 6 յունուրին, ֆրանսայի մէջ սկիզբ կ՛առնեն Սրբուհի Ժան Տարգի ծննդեան 600 ամեակի
տօնախմբութիւնները, որոնց գագաթնակէտը տեղի կ՛ունենայ յառաջիկայ 13 մայիսին, Փարիզի Արքեպիսկոպոս
Կարտինալ Վէնթրուայի գլխաւորութեամբ` Տոմրէմիի մայր տաճարին մէջ նախատեսուած Սուրբ Պատարագի
արարողութեամբ ։ Սրբուհի Ժան Տարգ ծնած էր 6 յունուար 1412-ին՝ Տոմրէմիի մէջ, ան
հանդիսացած է որպէս ֆրանսայի ազգային հերոս։ ֆրանսայի միութիւնը կարելի դարձաւ շնորհիւ
Սրբուհի Ժան Տարգի քաջարի գործութիւններուն, որ 100 տարուայ պատերազմի ընթացքին անգլիացիներու
դէմ, յաղթական կերպով մարտնչեցաւ։ 1431-ին Պորկոնիոնները զինք կը ձերբակալեն ու կը ծախեն
անգլիացիներուն, որոնք զինք կը դատապարտեն որպէս հերետիկոս եւ ողջակիզումի կ՛ենթարկեն
զինք։ 1456-ին՝ Գալլիսթօ Գ. Պապը այդ դատապարտութիւնը անվաւեր կը հրչակէ։ 1909-ին՝
Պիոս Ժ. քահանայապետը զինք երանելի կը հռչակէ։ Պենետիկտոս ԺԵ. զինք սուրբերու դասին կը
բարձրացնէ եւ Սրբուհի Ժան Տարգ կը դառնայ ֆրանսայի պաշտպան սրբուհին։