«Իրաք Պատի Քաունթ» կազմակերպութիւնը կը հաղորդէ, որ Իրաքի պատերազմի զոհերուն թիւը 2003-2011
տարիներուն 162 հազար է, որոնց 79 առ հարիւրը Իրաքի քաղաքացիներ: Ըստ ԻՐԱՔ ՊԱՏԻ ՔԱՈՒՆԹ
կազմակերպութեան հրապարակած զեկուցումին մէջ նշուած տուեալներուն՝ այս պատերազմին ամէնէն
արիւնահեղ տարիները եղած են 2006 եւ 2007 թուականները, երբ զոհերուն թիւը գերազանցած
է 25 հազարը, իսկ վերջին տարուան ընթացքին 4063 զոհ արձանագրուած են: Իրաքի մէջ ամերիկեան
ուժերու գործողութիւններէն վնասուած են շուրջ 14.705 քաղաքացիներ : Զեկուցումին մէջ
նաեւ նշուած է, որ այս տուեալներուն ճշգրտութիւնը բացարձակ չէ, որովհետեւ մահուան շատ
դէպքեր պատշաճ կերպով չեն արձանագրուած: