Ірландыя: Касцёл жадае дыскусіі аб сваёй ролі ў грамадстве
Мітрапаліт Дублінскі
арцыбіскуп Дыярмуід Марцін, мае намер у гэтым годзе пачаць у ірландскім парламанце
дэбаты аб ролі хрысціянскай веры. Іерарх адзначыў, што не хоча весці спрэчак наконт
карыкатуральнай візіі рэлігіі, да чаго імкнуцца яе праціўнікі, але паказаць сапраўдны
ўклад Касцёла ў жыццё краіны.
Арцыбіскуп Дыярмуід Марцін звярнуў увагу на тое,
што каталіцкую веру вызнае большасць насельніцтва краіны. На думку іерарха, трэба
нанава пераасэнсаваць адносіны паміж Касцёлам і дзяржавай ў цяперашняй сітуацыі.
“Мы
не збіраемся накідаць рэлігійных перакананняў ўсяму грамадству краіны, але паказваем
клопат самога Касцёла пра істоту веры”, - сказаў Мітрапаліт Дублінскі. Ён адзначыў,
што зразумелым з’яўляецца ўзрост недаверу да Касцёла пасля выяўлення сексуальных злоўжыванняў
з боку некаторых святароў. “Крытака гэта штосці зусім іншае ад карыкатурнага прадстаўляння
ўсяго Касцёла. Высмейванне веры не служыць пабудове трывалых каштоўнасцяў у грамадстве”,
- сказаў іерарх.
Арцыбіскуп прызнаў, што неабходна ўнутранае аднаўленне Касцёлв.
“Гэтаму павінен паслужыць Міжнародны Эўхарыстычны Кангрэс, які пройдзе ў Дубліне”,
- сказаў арцыбіскуп Дыярмуід Марцін.