Латвія: пачала афіцыйна дзейнічаць супольнасць рускамоўных каталікоў
Партал Baznica.info.
паведаміў, што перад новым годам рыжскі арцыбіскуп-мітрапаліт Збігнеў Станкевіч афіцыйна
зацвердзіў першую ў Латвіі арганізацыю рускамоўных католікоў. Каталіцкае аб'яднанне
Terra Mariana (Зямля Марыі) будзе працаваць у Рыжскай архідыяцэзіі, а з дазволу мясцовых
біскапаў - і ў іншых рымска-каталіцкіх дыяцэзіях Латвіі. Таксама ў Лiтве пачата рэгістрацыя
філіяла арганізацыі. Назва арганізацыі Terra Mariana паходзіць з сярэднявечча- так
крыжакі называлі прыбалтыйскія тэрыторыі Латвіі і Эстоніі.
Асноўная сфера дзейнасці
рускамоўнай супольнасці - духоўная і арганізацыйная падтрымка ініцыятыў усіх каталікоў,
якім блізкія ці цікавыя руская мова і культура. Арганізацыя ўжо дзейнічае і з'яўляецца
выдаўцом сайта на рускай мове TerraMariana.org, удзельнічае ў рабоце рускай рэдакцыі
газеты "Вестник Католической Церкви" і ў міжканфесійнай рэдакцыі міжнароднага партала
Baznica.Info., рэгулярна праводзіць лекторыі. Двойчы ў год у Латвіі і Літве праходзяць
духоўныя практыкаванні на рускай мове для католікаў і ўсіх, хто цікавіцца каталіцкай
духоўнасцю, а таксама некалькі разоў у год - семінары з удзелам каталіцкіх святароў
з Расіі, Польшчы і Украіны.
Па словах старшыні Каталіцкага Аб'яднаньня Terra
Mariana журналіста Паўла Левушкана, галоўнай задачай арганізацыі з'яўляецца развіццё
ініцыятыў, якія дапамогуць рускамоўным жыхарам Латвіі адчуваць сябе камфортна ў шматнацыянальным
Касцёле.«У Латвіі некалькі дзесяткаў тысяч вернікаў каталіцкіх храмаў гавораць і думаюць
па-руску, - адзначыў Павел Левушкан. – Ён звярнуў увагу на тое, што шмат людзей наведвае
Імшы на рускай мове, удзельнічае у розных сустрэчах і малітоўных сходах. «У новым
годзе мы пачынаем новыя адукацыйныя і духоўна-асветніцкія праграмы ў Рыжскай архідыяцэзіі
і гатовы пачаць працу ва ўсіх каталіцкіх дыяцэзіях Латвіі, калі на тое будзе дазвол
мясцовых біскупаў»-, сказаў старшыня Каталіцкага Аб'яднаньня Terra Mariana.