Нігерыйская ісламская
секта “Бока Харам” загадала мясцовым хрысціянам пакінуць паўночную частку краіны у
тры дні. У гэтым рэгіёне пражывае, у большасці, мусульманскае насельніцтва. Экстрэмісты
гэтай арганізацыі заклікалі сваіх прыхільнікаў, якія жывуць на поўдні краіны, вярнуцца
на поўнач, каб сумесна змагацца супраць хрысціян.
У сувязі з такой сітуацый
прэзідэнт краіны увёў надзвычайнае становішча на поўначы краіны. “У Нігерыі ідзе рэлігійная
вайна, і яе ахвярамі заўсёды з’яўляюцца хрысціяне”, - заявіў фонд “Дапамога Касцёлу
ў патрэбе”. Нігерыя - гэта краіна, у якой аж у 12 штатах дзейнічае ісламскі закон
“шарыята”-сукупнасць прававых, маральна-этычных і рэлігійных нормаў ісламу.
Каталіцкі
Касцёл у Нігерыі звярнуўся да прэзідэнта краіны, каб прасіў дапамогі ў замежных экспертаў,
якія маюць дасведчанне ў барацьбе з тэрарыстамі. “У сувязі з пагрозамі выбуху грамадзянскай
вайны у краіне, неабходна скарыстасць усе меры, каб абмежаваць нестабільнасць у Нігерыі”,
- заявілі каталіцкія іерархі.
У інтэрв’ю Ватыканскаму радыё арцыбіскуп Жос,
Ігнацыюс Кайгама сказаў: “Касцёлы знічшаныя, многія вернікі забітыя. Не відаць
ніякага знаку, каб гэта магло хутка закончыцца, калі ўлады краіны не ўмяшаюцца сапраўды
рашуча ў гэтую сітуацыю. Мы заўсёды нагадваем хрысціянанам аб баяпецы: калі ідуць
у Касцёл павінны быць вельмі асцярожнымі, таксама нават у сваіх уласных дамах. Мы
кажам станоўчае “не” для помсты і молімся за супакой, маючы надзею, што ўсе мы ў Нігерыі,
мусульмане і хрысціяне, зможам працаваць і жыць шчасліва разам. Мы не хочам помсты,
хочам жыць разам у супакоі”, сказаў іерарх.