Në Aman takimi izraelito-palestinez: lutja e Patrikut të Jerusalemit për paqe
Pas 16 muajsh, izraelitët e palestinezët janë ulur sot për folur së bashku në një
takim në Aman të Jordanisë. Kreu i negociatave izraeliti Isaac Molho e kolegu i Autoritetit
kombëtar palestinez Saeb Erekat së pari mbajnë një mbledhje të zgjeruar me ministrin
e Jashtëm jordanez, Nasser Judeh, me të dërguarin Tony Blair e përfaqësues tjerë të
Kuartetit për Lindjen e Mesme (OKB-ja, BE-ja, SHBA-së e Rusia), pastaj do të takohen
për një takim më të ngushtë. Lëvizja palestineze Hamas e konsideron këtë nismë si
një hap në vazhdën e dështimeve të mëparshme dhe palët mohojnë se bëhet fjalë për
rifillimin e bisedimeve të paqes, por sidoqoftë fjala është për një takim që ndezë
shpresat e paqes. Këtë nënvizon edhe Patriarku Latin i Jerusalemit, Fortlumturia e
Tij Fuad Tual, i cili këtë takim e shikon si shenjë premtuese për një të ardhme më
të mirë për të gjitha palët që përbëjnë Lindjen e Mesme. Patriku i Jerusalemit i lutet
Zotit për rivendosjen e paqes në këto treva.