SHBA: ngrihet Ordinariati Personal, sipas normës së Anglicanorum.
Sot Kongregata për Doktrinën e Fesë, sipas normës së Kushtetutës Apostolike Anglicanorum
coetibus, ngriti Ordinariatin Personal të The Chair of Saint Peter (Katedrës së Shën
Pjetrit) në territorin e Konferencës Ipeshkvnore të SHBA. Njëkohësisht Papa emëroi
edhe ipeshkvin e parë, të nderuarin Xhefri Stinson. Ipeshkvi, i martuar e me tre fëmijë,
është 59 vjeç. Në vitin 2009 u shugurua ipeshkëv katolik. Kujtojmë se Kushtetuta
Apostolike Anglicanorum coetibus, nënshkruar nga Benedikti XVI më 4 nëntor 2009, ka
për qëllim t’u përgjigjet kërkesave të shumta, që vijojnë të arrijnë pranë Selisë
së Shenjtë nga grupe klerikësh e besimtarësh anglikanë, të cilët dëshirojnë të hyjnë
në bashkim të plotë e të dukshëm me Kishën Katolike, duke u krijuar kushtet të ruajnë
disa nga elementet e veçanta të trashëgimisë shpirtërore e liturgjike anglikane.