Maqedoni: vdiq Kiro Gligorov, president i pavarësisë
Vdiq në moshën 94 vjeç Kiro Gligorov, president i parë i Maqedonisë pas pavarësisë
nga Jugoslavia, shpallur në shtator të vitit 1991. Ish udhëheqës i Partisë komuniste,
Gligorov u vë në krye të lëvizjes separatiste e arriti ta kursente Shkupin prej konflikteve
që përgjakën republikat e autonomitë tjera të ish-Jugoslavisë. Në një situatë delikate
të ekuilibrave të brendshëm, për praninë e fortë të shqiptarëve që jetojnë në Maqedoni
dhe tensioneve me Greqinë për shkak të emërit të Shtetit të ri, Glijorov diti të negocionte
me Greqinë, Shqipërinë e Bullgarinë për uljen e tensioneve deri në njohjen e Shtetit
të Maqedonisë nga OKB-ja me emrin Fyrm, emërtim ky që është rezultat i kompromiseve
me Athinën. Si president i parë u Maqedonisë zgjedhur demokratikisht, Gligorov ka
qenë kryetar i shtetit të ri, në dy mandate, nga 1991 deri më 1999. Këtë post e ka
braktisur më 19 nëntor 1999. Presidenti i parë i Maqedonisë, Kiro Gligorov e udhëhoqi
këtë vend pak gjakderdhje drejt pavarësisë. Politikani komunist i nivelit të lartë
ia doli ta shkëpusë Maqedoninë pa luftë nga ish-Jugosllavia dhe të përmirësojë marrëdhëniet
e shtetit të ri me vendet fqinjë, Shqipërinë, Bullgarinë, Greqinë. Kjo ka qenë merita
më e madhe politike e tij, duke e ngritur në një nga figurat më të rëndësishme të
vendit. Më 3 tetor 1995 shpëtoi nga një atentat në Shkup, ku qe lënduar rënd, duke
mbetur pa njërin sy. Varrimi do të bëhet nesër në orën 13, në varrezat e qytetit,
në Butel të Shkupit. Sipas dëshirës së tij të fundit, varrimi do të bëhet vetëm në
rrethin e ngushtë familjar.