У нядзелю 1 студзеня
2012 г., ва ўрачыстасць святой Багародзіцы Марыі, Бэнэдыкт ХVI узначаліў св. Імшу
ў Ватыканскай базыліцы. Літургія была звязана таксама са святкаваннем 45 Сусветнага
дня міру. У гаміліі Святы Айцец адзначыў, што Панна Марыя з’яўляецца Маці і ўзорам
для Касцёла, які прыймае ў веры Слова Божае і ўдзельнічае ў таямніцы Боскага мацярынства
праз прапаведванне гэтага Слова. “Як Марыя, Касцёл ёсць пасрэднікам Божага благаслаўлення
для ўсяго свету: яго атрымлівае прыймаючы Езуса і перадае прыносячы Езуса. Ён з’яўляецца
міласэрнасцю і супакоем, якога свет не можа даць сам сабе і якога патрабуе як хлеба,
і нават больш як хлеба”, - сказаў Святы Айцец.
Затым Пантыфік прывітаў усіх
прысутных у Базыліцы св. Пятра з 45 Сусветным днём міру: асабліва кардыналаў, паслоў
пры Апостальскай Сталіцы, прадстаўнікоў ўладаў Італіі і касцельных асацыяцый і рухаў.
“Выхоўваць
моладзь у духу справядлівасці і супакою”- гэта заданне, якое тычыцца ўсіх пакаленняў
і дзякуючы Богу, чалавечая сям’я, пасля трагедый двух сусветных войнаў, паказала што
ўсё больш свядомая гэтага . Для касцельнай супольнасць выхоўваць у міры- гэта частка
місіі атрыманай ад Хрыстуса, з’яўляецца інтэгральнай часткай евангелізацыі, бо Евангелле
Хрыста гэта таксама Евангелле справядлівасці і міру”, - сказаў Папа.
Святы
Айцец падкрэсліў, што перад праблемамі сучаснага свету ўзяць на сябе адказнасць за
выхаванне моладзі ў пазнанні праўды, асноўных каштоўнасцяў жыцця, інтэлектуальных,
тэалагічных і маральных дабрачыннасцяў значыць глядзець ў будучыню з надзеяй. “У
гэтую ўсебаковую адукацыю уваходзіць таксама выхаванне да справядлівасці і міру. Моладзь
сёння ўзрастае ў свеце, які стаў, так сказаць, меншым, у якім адносіны паміж рознымі
культурамі і традыцыямі, з’яўляюцца сталымі”, - сказаў Папа. Бэнэдыкт ХVI адзначыў,
што моладзь таму мусці навучыцца мірнага суіснавання, узаемнае павагі, дыялогу і
ўзаемазразумення. “На жаль, сацыяльная рэальнасць ў якой яны растуць можа іх весці
да дзеяння ў процілеглым кірунку, нават неталерантнага і намечанага жорсткасцю”, -
сказаў Святы Айцец. Ён падкрэсліў, што толькі салідная адукацыя іх сумлення можа
прадухіліць іх перад такімі пагрозамі і зрабіць іх здольнымі змагацца з гэтым, разлічваючы
толькі на сілу праўды і дабра. “Гэтае выхаванне пачынаецца ў сям’і і развіваецца
ў школе і другіх адукацыйных цэнтрах, з мэтай, каб развінуць у іх тыя якасці, якія
аб’ядноўваюць глыбокія пачуцці справядлівасці з павагай да другога чалавека. Толькі
такім чынам яны змогуць стаць людзьмі супакою і будаўнікамі міру”, - сказаў Папа.
Бэнэдыкт ХVI пакдрэсліў, што істотную ролю ў гэтым працэсе маюць рэлігійныя супольнасці.
“Езус з’яўляецца адкрытым для ўсіх, якім можна ісці. Ён - шлях міру”, - сказаў Пантыфік.