Պենետիկտոս ԺԶ Սրբազան Քահանայապետի Մէկ Յունուար 2012-ի Գործունէութիւնը

Կիրակի 1 յունուար 2011 Առաւօտեան ժամը 9.30-ին, Վատիկանեան Մայր Տաճարին մէջ Պենետիկտոս ԺԶ Սրբազան Քահանայապետը կը գլխաւորէ Սուրբ պատարագի արարողութիւնը։ Սրբազան Հօր հետ կը համապատարագեց Վատիկանի Պետական քարտուղարը՝ Կարտինալ Թարչիզիօ Պերթոնէ, արդարութիւն եւ խաղաղութիւն քահանայապետական խորհուրդի նախագահը՝ կարտինալ Բիթէր Թուրքսոն, Վատիկանի Պետական քարտուղարութեան փոխ նախագահը՝ Անճելօ Պէչչու Արքեպիսկոպոսը, Վատիկանի արտգործ նախարարը՝ գերապայծառ Դոմինիք Մամպերթին, արդարութիւն եւ խաղաղութիւն քահանայապետական խորհուրդի քարտուղարը՝ գերապայծառ Մարիօ Թոզոն եւ միջկրօնական երկխօսութեան Քահանայապետական խորհուրդի քարտուղարը՝ գերապայծառ Բիէր Լուիճի Զելաթա։
Պատարագի սպասարկութեան կարգը կը կատարեն Յովսէփեան Քահանայապետական Վարժարանի նորընծաները։ Պատարագի աւարտին Նորին Սրբութիւնը Խոստովանանքի Խորանին կից զետեղուած Տիրամօր արձանին առջեւ երկրպագելով մեծարանքի աղօթք մը կ՛արտասանէ։
Սուրբ Պատարագի աւարտին Նորին Սրբութիւնը կ՛արտասանէ Հրեշտակ Տեառն մարեմեան աղօթքը։