Ватыкан: мучанікі за веру 2011 г.

Інфармацыйнае агенцтва “Fides” апублікавала справаздачу, у якой адзначаецца, што ў 2011 г у свеце загінула 26 асоб, якія садзейнічалі душпастырству Каталіцкага Касцёла. Сярод іх было 18 святароў, 4 законніцы і 4 свецкія асобы. Годам раней загінула 25 чалавек.

Найбольш ахвяраў было ў Лацінскай Амерыцы- 15 асоб, і ў Афрыцы- 6 чалавек. У Еўропе загінуў адзін святар у Іспаніі.

Загінуўшыя паходзілі з 13 краін свету. Найбольш душпастыраў Касцёла загінула ў Калумбіі- 7, у Мексіцы- 5 і ў Індыі- 3 чалавекі. У Бурундзі загінулі харвацкая законніца і адзін валанцёр.