Паводле публікацыі
Залі Друку Апостальскай сталіцы, за год адбылася 45 Агульных Аўдыенцый.Апошняя, паслякалядная,
напярэдадні Новага года, была прысвечана Святой сям’і і святасці кожнай сям’і, пра
што Папа часта прыпамінаў, у тым ліку і ў часе сваіх сустрэч з Божым народам як ў
Ватыкане, так і падчас падарожжаў. "Сям’я, але і кожны чалавек пакліканы да святасці,"
- не стамляўся ўзнімаць дух чалавецтва Святы Айцец, нагадваючы аб сіле малітвы. На
Аўдыенцыі 13 красавіка Папа падзяліўся думкамі:“Для мяне ня толькі некаторыя вялікія
святыя, якіх люблю і добра ведаю, - кажа Пантыфік,- з’яўляюцца указальнікамі на дарозе
жыцця, але менавіта простыя святыя – значыць, добрыя людзі, якіх сустракаю ў жыцці
і якія ніколі не будуць кананізаваныя. Гэта, так сказаць, звычайныя асобы, гераізм
якіх не кідаецца ў вочы, але ў іх штодзённым "стварэнні дабра" бачу праўду веры”.
“Чалавек лічбавага веку, камп’ютарны, гэтак жа сама, як і пячорны,- сцвердзіў Папа
на Аўдыенцыі 11 мая,- шукае ў рэлігійным вопыце дарогу пераўзыходжання сваёй слабасціі,
бяспекі ў сваёй нялёгкай земскай прыгодзе жыцця. Бо кожны мае ў душы прагу велічы,
настальгію аб вечнасці, смагу прыгажосці, жаданне любові, неабходнасць святла і любові,
якія яго штурхаюць да Абсалюта; чалавек нясе ўнутры сабе жаданне Бога. І ведае, што
можа звяртацца да Бога, ведае, што можа асягнуць Яго праз малітву”,- сцвердзіў Папа
ў маі.
Святасць – мэта кожнага. Для яе асягнення неабходны накірункі, прыклады
і сродкі. Сярод прыкладаў Бэнэдыкт XVІ распавядаў з пачатку адыходзячага года аб містычках
і героях веры. Ён прыпомніў нам аб постацях, што пражывалі моцныя адносіны між чалавекам
і Богам, выклікаў для нас іх вобразы з глыбіні стагоддзяў. Год 2011 пачаў з катэхезы
аб Кацярыне Генуэзскай і завершыў цыкл, прысвечаны святым 14 -15 стагоддзя, распавядам
аб Тэрэзе з Ліз’ё. У цыкле знайшлі адлюстраванне ўспаміны аб Францішку з Салеса,
Жанне д’Арк і Альфонсе Марыі дэ Лікуоры. Ад прарокаў да Хрыста, Святы Айцец лунае
ў думках па старонках Бібліі праз тысячагоддзі, каб засяродзіцца ў канцы летніх месяцаў
на Псальмах.
Прыпамінаючы у гэтым раздзеле аб навучаннях свайго папярэдніка
Яна Паўла ІІ, Бэнэдыкт XVІ раздумвае аб так званым “маўчанні Бога”, што здараецца
адчуваць ў болю і ў цяжкіх момантах адзіноты, таксама як Езус на Крыжы.
Словы,
сказаныя сходу вернікаў на Аўдыенцыі 14 верасня, былі натхнёныя 22 Псальмам і тычацца
пакутных; гэта – старажытная мудрасць, звернутая і да тых хрысціян, што стаюцца ахвярамі
сляпой нянавісці: “Калі чалавек стаецца жудасным і нападае на брата, штосьці жывёльнае
бярэ верх над ім, здаецца, ён губляе ўсё чалавечае. Насілле заўсёды мае ў сабе штосьці
звярынае, і толькі збаўчае ўмяшанне Бога можа звярнуць чалавеку яго чалавецкасць”.
Напярэдадні
паездкі ў Асізі Папа дае нам суцяшэнне: сам “Крыж з’яўляецца новым знакам міра і інструментам
згоды, прабачэння і паразумення, знакам любові, якая мацней за любы гвалт і любы прыціск,
мацней за смерць: зло перамагаецца дабром, любоўю,-”навучае нас Бэнэдыкт XVІ.