Կիրակի 1 յունուար 2012, առաւօտեան ժամը 9.30-ին, Սուրբ Պետրոսի Մայր տաճարի մէջ` Խաղաղութեան
համաշխարհային 45րդ օրուայ առթիւ, Սրբազան Քահանայապետը կը մատուցէ գոհաբանական Սուրբ
Պատարագ։ Նշենք որ Խաղաղութեան համաշխարհային 45րդ օրուայ պատգամին նիւթն է <<դաստիարակել
երիտասարդները խաղաղութեան եւ արդարութեան>>։ Ուբաթ 6 յունուար 2012 առաւօտեան Աստուածայայտնութեան
տօնին առթիւ Նորին Սրբութիւնը կը գլխաւորէ Սուրբ Պատարագի արարողութիւնը Վատիկանի Սուրբ
Պետրոս մայր տաճարին մէջ։ Ուր տեղի պիտի ունենայ նաեւ եպիսկոպոսական օծում։ Կիրակի
8 յունուար 2012 առաւօտեան ժամը 9.45 Սրբազան Քահանայապետը, ինչպէս ամէն տարի, Սիքստինեան
մատրան մէջ մանուկներուն կը մատակարարէ մկրտութեան խորհուրդը իսկ յունուար 25ին Սուրբ
Պօղոսի դարձի գալու յիշատակի առթիւ Հռոմի Սուրբ Պօղոս անուան նուիրուած Պազիլիքայի մէջ
Սրբազան Քահանայապետը կը գլխաւորէ ժամասացութեան արարողութիւնը։