Ватыкан: карэйскія дзеці прымуць удзел у вігілійнай св. Імшы у Ватыканскай базыліцы
24 снежня, так як
у мінулых гадах, Бэнэдыкт ХVI узначаліць вігілійную святую Імшу ў базыліцы святога
Пятра. У ёй прыме ўдзел сямёра дзяцей з Паўднёвай Карэі. Кожнае з іх будзе актыўна
ўдзельнічаць у літургіі: адно прачытае малітву вернікаў у сваёй роднай мове, двое
атрымаюць св. камунію з рук Бэнэдыкта ХVI, іншых двое будуць ісці ў працэсіі з дарамі,
а яшчэ двое занясуць кветкі да ясляў, у якія пакладзены дзіцятка Езус.
Гэта
ўзнагарода дзецям пераможцам спецыяльнага конкурса, які пасольства Паўднёвай Карэі
пры Апостальскай Сталіцы арганізавала для карэйскіх дзяцей з нагоды 60-годдзя святарства
папы Бэнэдыкта ХVI.
Пасольства арганізавала гэты конкурс ", каб падзякаваць
Святому Айцу за яго нястомнае служэнне чалавецтву, і за вялікую любоў да карэйскай
нацыі", - адзначаецца ў паведамленні дыпламатычнага прадстаўніцтва Карэі пры Апостальскай
Сталіцы.