Ti eja natën… po në zemrën tonë është natë përherë. Eja përsëri në agim në
kohën e zgjimit të vështirë. Eja përherë, eja, Zot! Eja në heshtje, mbasi
këmbana shprish hijen e muzgut Eja, Ti, Zoti im! Kur zemra s’ka ngjyrë tjetër veç
ngjyrës së zezë. Ti eja përsëri! Eja kur ndalem, o Zot, e në shpirt shoh
fëtyrën tënde. Eja, pra në shpirtin tim! Përplot me re është qielli, frika
e stuhisë të dërmon, pa ty, o Zot, ka veç natë; e syri nxihet nën peshën e hijes e
ndrydhet, e thehet, thërmohet, po s’erdhe ti, o Zot! E gjarpëri rishtas kapet
për degë e m’grish në mëkat. Prandaj, eja, o Zot! Kah qielli nisi sulmin, po
toka më ngreh prej vetes po s’erdhe ti, o Zot! Eja, ngjyrë tjetër s’ka veç
ngjyrës së qiellit tënd. Nën strehët tona eja! Zërin ta njohim mes tingujsh, që
zbardhin zemrat në festë! Ti eja, pra, o Zot! që na zbulon tënd Bir e shpresa
në Të merr trajtën e fytyrës sate të amshuar; trajtën e lutjes së qetë. Ti
eja, o Zoti im, me hijet e ditës së vonë, kur gishtat mbyllin fletën e jetës. Eja,
o Zot, mos vono!
Frymëzuar nga poezia “Eja, Zot” e David Maria Turoldos.