Ի լուր Սրբազան Քահանայապետի Գուպա այցելութեան, նախագահ Ռաուլ Գասդրօ յայտարարեց որ
՝՝Գուպայի կառավարութիւնը եւ ժողովուրդը որդիական սիրով ու յարգանքով պիտի ընդունի՝ Պենետիկտոս
ԺԶ.Սրբազան Քահանայապետը՝՝։
Ընդունելով Քահանայապետի այցելութեան կազմակերպիչ-պատասխանատուն տոքթոր Ալպերթօ Կասպառռին, նախագահ Ռաուլ Գասդրօ յայտարարեց որ իր կառավարութիւնը եւ ժողովուրդը որդիական սիրով ու յարգանքով պիտի ընդունի Պենետիկտոս ԺԶ.Սրբազան Քահանայապետը։ Նախագահը այս յայտարարութիւնը կատարեց տեղական մամուլին առջեւ, ի ներկայութեան Հավանայի Առաջնորդ Կարտինալ Օրդեկայի եւ Առաքելական Դեսպան Գերապայծառ Մուզարոյին։ Նախապէս տոքթոր Ալպերթօ Կասպառռի այցելած էր Մեսսիքօ, առաջին հանգրուանը Սրբազան Հօր հովուական այցելութեան որ տեղի պիտի ունենայ 2012-ի գարնան։
| All the contents on this site are copyrighted ©. |