Венгрыя: ад 1 студзеня ўступае ў сілу новы Закон аб рэлігійных супольнасцях.
Старшыня парламенцкай
камісіі па правах чалавека, грамадзянскіх і рэлігійных пытаннях Венгерскага парламенту
Тамаш Лукач прадставіў грамадскасці факт, што на дзяржрэгістрацыю ў якасці рэлігійнай
арганізацыі падалі заяву ў адпаведныя органы ажно 72 рэлігійныя супольнасці.
Венгерскі
закон аб рэлігійных арганізацыях, які быў прыняты ў ліпені гэтага года, меў на мэце
памяншыць колькасць цэркваў і рэлігійных суполак з 358 да 14. Прычым, была прынята
ўмова, што афіцыйнае прызнанне іншых суполак можа быць дадзена з боку дзяржавы, але
толькі ў выпадку, калі атрымае дэпутацкіх галасоў большасцю ў дзве трэціх. Камісія
працягвае ацэньваць усе заяўкі і прадставіць права існавання тым, якія адказваюць
усім крытэрам парламента.
Па інфармацыі з сайта www.politics.hu, па меншай
меры 10 або 12 пунктаў павінны абавязкова адпавядаць пэўным патрабаванням. У іх ліку
– прадстаўленне дэкларацыі аб Сімвале веры, апісанне рэлігійнай дзейнасці з доказам,
што супольнасць існуе мінімум 20 гадоў , і дакладнае ўказанне правілаў, якія рэгулююць
структуры і дзейнасць рэлігійнай групы.
Мэта заканадаўства – спыніць пашырэнне
асацыяцый, якія пасля падзення камуністычнага рэжыму маюць дзяржаўную фінансавую падтрымку,
выдаючы сябе за рэлігійныя супольнасці.
Новы рэлігійны закон у Венгрыі ўступае
ў сілу з 1 студзеня 2012 года.