Արաբ Դիտորդները Կը Հասնին Դամասկոս. Սուրիոյ Ընդդիմութիւնը Դժգոհ ։
Սուրիա Գահիրէի Արաբական Լիկայի կեդրոնատեղիին մէջ ստորագրեց Սուրիոյ մէջ արաբ դէտերու
առաքելութեան օրինական շրջագիծը ճշդող արձանագրութիւնը: Արձանագրութիւնը ստորագրուեցաւ
Սուրիոյ արտաքին գործոց փոխնախարար Ֆայսալ Մըքտատի եւ Արաբական Լիկայի ընդհանուր քարտուղարի
տեղակալ Ահմետ պըն Հըլիի կողմէ` ներկայութեամբ Լիկայի ընդհանուր քարտուղար Նեպիլ Արապիի: Արաբական
Լիկայի աղբիւրներ կը նախատեսեն, որ Սուրիոյ հետ գործակցութեան համաձայնագրի պայմաններուն
համաձայն, արաբ դիտորդներ յառաջիկայ 72 ժամուան ընթացքին կը հասնին Դամասկոս: Միւս
կողմէ Սուրիոյ ընդդիմութեան ղեկավարները յայտարարեցին, որ Արաբական Լիկայի հետ գործակցութեան
համաձայնագիրը ստորագրելու քայլը նախագահ Ասսատի մէկ խուսափումն է. անոնք կոչ ուղղեցին
արաբական երկիրներուն, ձեռնարկելու աւելի ազդու եւ վճռական քայլեր: Սուրիոյ արտաքին
գործոց նախարար Ուալիտ Մուալլէմ իր կարգին ըսաւ, որ իր երկիրը նոր գործակցութեան մը սկիզբը
կը դնէ Արաբական Լիկային հետ, Սուրիոյ գերիշխանութիւնը պահպանուած պահելու սկզբունբքին
հիման վրայ: