Աւետարանական Երեկոյթ Զմմառու Վանքի Եկեղեցիին Մէջ։
Զմմառու վանքի եկեղեցիին մէջ, 12 դեկտեմբերի երեկոյեան. տեղի ունեցաւ Աւետարանական երեկոյթ մը զոր վարեց վանքի մեծաւորը՝ գերյ. Հ. Գաբրիէլ Թ Ծ Վրդ. Մուրատեան, մասնակցութեամբ՝ վանքի վարչական հայրերուն և վանաբնակ վարդապետներուն։ Ներկայ էին նաեւ՝ Ս. Միքայէլ և Երանելի Մալոյեան Դպրեվանքի մեծ և փոքր աշակերտները:
Աւետարանական երեկոյթը սկիզբ առաւ Ս.Յովհաննէսի Աւետարանի ընթերցումով , (գլ. Ե. 1-18) որ կը խօսի «Բեթհեզդայի անդամալոյծին բուժումին» մասին, որմէ ետք, Մեծաւորը Գերյ. Գաբրիէլ Մուրատեան հոգելից խորհրդածութիւն մը կատարեց, ապա նաեւ՝ ներկաները միջամտութիւններ կատարեցին: Այս Աւետարանական երեկոյթները պիտի շարունակուին ամիսը մէկ անգամ, յօգուտ վանքի հասարակութեան հոգեւոր վերելքին:
Սոյն հանդիպումին՝ բացակայ էր միայն Գերյ. Հ.Անդրանիկ Ծ.Վրդ. Կռանեանը որ Վենետիկ մեկնած էր մասնակցելու «Ուրբաթագրքի» մեծ համագումարին:
| All the contents on this site are copyrighted ©. |