Papa priti ambasadorin e ri të Paraguait për paraqitjen e Letrave kredenciale
Benedikti XVI priti sot në Vatikan Ambasadorin e ri të Paraguait pranë Selisë së Shenjtë,
profesor Esteban Kriskovic, me rastin e paraqitjes së Letrave kredenciale. Profesor
i shkencave juridike e diplomatike, i specializuar në etikën juridike, Esteban Kriskovic,
40 vjeç, ka qenë relator i Gjyqit të Lartë të Gjykatës së Paraguait e avokat pranë
gjykatës kishtare metropolit të Asunciòn dhe delegat për Këshillit Papnor të Kulturës
në Qendrat kulturore katolike të Cono Sur në Paraguai. Siç është vendosur
kohëve të fundit, Ati i Shenjtë Benedikti XVI e priti për një bisedë private diplomatin,
që do të ketë selinë e qëndrimit në Romë, por nuk pat shkëmbim të fjalimeve zyrtare
ndërmjet Papës e Ambasadorit.