Кс. Фэдэрыко Ламбардзі
з нагоды візіту Святога Айца ў рымскую турму “Рэбібія” нагадвае словы італьянскага
кардынала Рэната Марціні: “турма – гэта люстэрка грамадства, месца ў якім бачныя супраціў
і пакуты хворага грамадства”. Кс. Фэдэрыко Ламбардзі адзначае, што турма – гэта пакуты
для вязняў і цярпенне для членаў іх сямей, а таксама праблемы для работнікаў пенітэнцыярнай
сістэмы і заканадаўцаў, якія сцвярджаюць, што праблемы, што турма павінна вырашыць,
астаюцца не вырашанымі, а часта становяцца яшчэ больш набалелымі. “Умовы жыцця ў турме
з’яўляюцца асноўным паказчыкам узроўню цывілізаванасці краіны”, - адзначыў кс. Ламбардзі.
Італьянскі
іезуіт падкрэсліў, што Касцёл добра разумее, што павінен быць прысутны ў турмах.
“Гэта таксама разумеюць Пантыфікі, пачынаючы з гістарычнага візіту Яна ХХІІІ у рымскую
турму “Regina Caeli” 26 снежня 1958 г., якія стукаюць у дзверы турмы, каб “наведаць
зняволеных”, пагутарыць з імі, выслухаць іх праблемы і сказаць ім словы суцяшэння”,
- адзначыў дырэктар нашага радыё. Ён звярнуў ўвагу на тое, што невыпадкова такія візіты
адбываюцца ў перыяд Божага Нараджэння, калі мы маем патрэбу ў моцных жэстах салідарнасці
і любові.
“Клопаты па прычыне эканамічнага крызісу не павінны быць апраўданнем
таго, што мы забываемся аб тых асобах, якія апынуліся на краі грамадства”, - адзначыў
кс. Ламбардзі. Ён падкрэсліў, што больш справядлівае і раўнапраўнае грамадства будуецца
пачынаючы ад апошніх і шукаючы прымірэння сярод людзей. “18 снежня мы ўсе запрошаны
прыбыць духоўна разам з Папам у рымскую турму “Рэбібія”, - адзначыў кс. Ламбардзі
ў сваёй штотыднёвай рубрыцы “Octava Dies” на нашым радыё.