Сустрэча Спецыяльнай рады Сіноду Біскупаў для Акіяніі
17 снежня Зала Друку
апублікавала паведамленне 10 сустрэчы Спецыяльнай рады Сіноду Біскупаў для Акіяніі,
якая прайшла 9 снежня ў Ватыкане. У ім адзначаецца, што 22 лістапада 2001 г. бл. Ян
Павел ІІ падпісаў Апостальскую адгартацыю “Ecclesia in Oceania”, якая стала плёнам
Спецыяльнай Асамблеі Сінода Біскупаў для Акіяніі. Сінод прайшоў з 22 лістапада па
12 снежня 1998 г. “Сустрэча ў Рыме стала нагодай для абмеркавання распаўсюджання
і прымянення адгартацыі ў жыцці шматлікіх мясцовых Касцёлаў гэтага кантынента”, -
адзначаецца ў паведамленні.
Аўтары дакумента падкрэсліваюць, што падчас нарады
біскупы падкрэслілі актуальнасць адгартацыі “Ecclesia in Oceania” у сённяшніх касцёльных
і сацыяльных умовах, ва ўмовах секулярызацыі, перш за ўсё, у Аўстраліі і Новай Зеландыі.
“Існуюць знакі надзеі, перш за ўсё адкрытасць моладзі і некаторых інтэлектуалаў на
Евангелле Езуса Хрыста. Гэта дае надзею на будучыню”, - адзначылі ўдзельнікі сустрэчы.
Дакумент звяртае ўвагу на тое, што у Хрысце народы Акіяніі знаходзяць станоўчыя
адказы на выклікі, з якімі змагаецца Касцёл у гэтай частцы свету. “Яны праяўляюцца,
перш за ўсё, у галіне правоў чалавека, у біяэтыцы, у дзейнасці на карысць дабра грамадства,
сям’і, навакольнага асяроддзя, у дабрачыннасці, інкультурацыі, экуменічным і міжрэлігійным
дыялогу”, - адзначаецца ў паведамленні 10 сустрэчы Спецыяльнай рады Сіноду Біскупаў
для Акіяніі.