Святы Айцец здзейсніў чарговыя прызначэнні ў Рымскай курыі
17 снежня Бэнэдыкт
XVI здзейсніў шэраг важных прызначэнняў у структурах Каталіцкага Касцёла і Рымскай
курыі. Папа прызначыў новага генеральнага сакратара Міжнароднай тэалагічнай камісіі;
ім стаў а. Серж Тома Боніно, дамініканін, дацэнт Каталіцкага інстытута пры Дамініканскім
універсітэце ў Тулузе. Таксама Папская рада пастырства эмігрантаў і падарожнікаў папоўнілася
новымі членамі. Біскуп Войцех Поляк, дапаможны біскуп Гнезненскай дыяцэзіі, і біскуп
Эдвард Яняк, дапаможны біскуп Вроцлаўскай дыяцэзіі ў Польшчы, сталі яе членамі. Кансультарам
той жа ватыканскай дыкастэрыі стаў кс. прэлат Энрыко Ферочы, дырэктар рымскага “Caritas”.
Кс.
прэлат Джовані Баціста Гандольфо, адказны за дабрачыннасць у італьянскім епіскапаце,
стаў членам Папскай рады “Cor Unum”. Святы Айцец прызначыў таксама кс. прэлата Антоніо
Джапонэ кіраўніком бюро Папскай рады па справах свецкіх, а сястру Нікалетту Вікторыю
Спэццаці падсакратаром Кангрэгацыі па справах Інстытутаў кансэкраванага жыцця і Таварыстваў
апостальскага жыцця.