Папа прыняў членаў епіскапата Новай Зеландыі і Ціхаакіянскага рэгіёну
17 снежня 2011 г.
Бэнэдыкт XVI прыняў біскупаў Новай Зеландыі і Ціхаакіянскага рэгіёну, якія знаходзяцца
ў Ватыкане з візітам “ad limina Apostolorum”. Пантыфік выказаў сваю радасць з-за шматлікіх
Божых дароў, якія праз Касцёл атрымалі католікі ўсіх гэтых краін, нягледзячы на шматлікія
грамадскія, эканамічныя і культурныя адрозненні”. Святы Айцец заклікаў іерархаў да
нястомнай вернасці ў следаванні за Хрыстом і, перш за ўсё, у выхаванні сапраўдных
святароў, якія б працягвалі намаганні па пераказе веры, нягледзячы на секулярызм.
Асаблівы націск трэба пакласці на святасць хрысціянскага сужэнства і стабільнасць
сям’і. Папа адзначыў, што “у канчатковым рахунку, хрысціянская вера забяспечвае больш
надзейную аснову для жыцця, чым секулярнае бачанне, пра што гаворыць таксама апошні
аналіз сітуацыі ў сем’ях вернікаў і няверуючых”.
На думку Святога Айца, новая
евангелізацыя ў краінах Ціхага Акіяна не з’ўляецца абстрактным паняццем, але аднаўленнем
сапраўднага хрысціянскага жыцця, заснаванага на навучанні Касцёла. Менавіта таму была
створана адпаведная Папская рада, якая будзе дапамагаць біскупскім канферэнцыям у
гэтай працы.
Бэнэдыкт XVI заклікаў іерархаў быць маякамі для ўсіх і пажадаў
заставацца ў натхненні Святога Духа, чаму закліканы дапамагчы Год веры.