Папская рада па справах свецкіх зацвердзіла дату наступных дзён моладзі
Папская рада па справах
свецкіх зацвердзіла дату правядзення наступных Міжнародных дзён моладзі, якія пройдуць
у Рыа дэ Жанейра з 23 па 28 ліпеня 2013 г. Пра гэта паведаміў арцыбіскуп Рыа дэ Жанейра
Арані Тэмпеста, піша “Аciprensa”. Дата была зацверджана на сумесным пасяджэнні Папскай
Рады па справах свецкіх і камісіі мясцовага арганізацыйнага камітэту, члены якой прыбылі
ў Рым, каб падрабязна абмеркаваць падзею. На сустрэчы была закранута тэма лагатыпа
дзён моладзі. У бліжэйшы час будзе аб’яўлены пераможца міжнароднага конкурсу, чый
лагатып і стане сімвалам наступнага моладзевага форуму.
Міжнародныя дні, арыентаваныя
на моладзь розных веравызнанняў з розных краін свету. Яны праводзяцца з 1984 г. па
ініцыятыве Яна Паўла ІІ раз у два-тры гады ў розных краінах свету на розных кантынентах.
Апошняя сустрэча ў рамках гэтай ініцыятывы адбылася ў жніўні гэтага года ў сталіцы
Іспаніі Мадрыдзе.