Святы Айцец прызначыў новых нунцыеў у Галандыі і Арменіі
15 снежня Бэнэдыкт
XVI прызначыў двух новых Апостальскіх нунцыеў – у Галандыі і Арменіі. Нунцыем ў Галандыі
стаў былы прадстаўнік Апостальскай Сталіцы пры Еўрапейскім Саюзе і Княстве Манака,
іерарх французскага паходжання, арцыбіскуп Андрэ Дзюпі. Новы дыпламат да гэтага працаваў
таксама ў прадстаўніцтве Апостальскай Сталіцы пры ААН у Нью-Ёрку. Дыпламатычным прадстаўніком
Папы ў Арменіі стаў арцыбіскуп Марэк Сальчынскі, які некалькі тыдняў таму быў прызначаны
нунцыем у Грузіі. Арцыбіскуп Сальчынскі працуе ў сферы ватыканскай дыпламатыі з 1993
г. Яго ранейшымі месцамі працы былі нунцыятуры ў Парагваі, Расіі, ЗША, Турцыі, Чэшскай
Рэспубліцы і Іспаніі, а таксама прадстаўніцтва Святога Пасаду пры ААН у Нью-Ёрку.
Апостальская
нунцыятура ў Тбілісі, рэзідэнцыя арцыбіскуп Сальчынскага, мае рэгіянальны характар
і сваёй дзейнасцю ахоплівае Грузію, Арменію і Азербайджан. Дыпламатычныя адносіны
з гэтымі краінамі Апостальская Сталіца падтрымлівае з 1992 г. Тут з 2001 па 2011 гг.
працаваў арцыбіскуп Клаўдыё Гуджэроцці, Апостальскі нунцый у Беларусі.