Spanjë: në kujtim të DBR-së së Madridit, përgatitet kremtimi i festës së Familjes
Shenjte.
Të rinjtë e Ditës Botërore të Rinisë, kremtuar në Madrid gushtin e kaluar, do të jenë
protagonistë të festës të Familjes Shenjte, që do të kremtohet në kryeqytetin spanjoll,
më 30 dhjetorin e ardhshëm, nga ora 14.30 deri në orën 17.00. Skena e festës eukaristike
do të jetë Sheshi de Colon, ku vetëm katër muaj më parë, gjatë DBR-së, u kremtua Udha
e Kryqit. Me këtë rast - shkruhet në një komunikatë - dëshirojmë t’i propozojmë shoqërisë
familjen e krishterë, si përgjigje për krizën shoqërore dhe ekonomike, në të cilën
jeton mbarë njerëzimi në këtë kohë. Prandaj tema e zgjedhur për takimin rinor është
“Falënderojmë familjen e krishterë, në të cilën lindim!”. Është jehonë e DBR-së,
që u shërben të rinjve për të falënderuar prindërit e tyre. Por festa nuk do të ketë
vetëm përmasa spanjolle. Do të jetë evropiane, sepse me mijëra të rinj, nga të katër
anët e Kontinentit të vjetër, po përgatiten të nisen përsëri drejt Madridit të kryesuar
nga ipeshkvijtë. Shumë prej tyre kanë vendosur ta kalojnë këtu Vitin e Ri! Në pritje
edhe të një mesazhi nga ana e Papës.