Նախագահ Սերժ Սարգսեանի Տեսակցութիւնը Իտալիոյ Հանրապետութեան Նախագահ Ճորճօ Նափոլիթանոյի
Հետ։
Աշխատանքային այցելութեամբ Իտալիա գտնուող Հայաստանի նախագահ Սերժ Սարգսեան երէկ հանդիպում
ունեցաւ Իտալիոյ նախագահ Ճորճիօ Նափոլիթանոյի հետ:
ՆախագահՍարգսեան նշեց որ,
մեծ սիրով կը յիշէ Իտալիոյ Միացումի 150-ամեակին առիթով իր այցելութիւնը Իտալիա, եւ
մասնակցութիւնը Հռոմի տօնական հանդիսութիւններուն: Նախագահ Սարգսեան կարեւոր նկատեց,
որ հայ Գրատպութեան 500-ամեակի սկիզբը` Վենետիկի Ցուցահանդէսը, տեղի կ՛ունենայ նախագահ
Նափոլիթանոյի բարձր հովանաւորութեամբ: Այս առնչութեամբ Իտալիոյ Հանրապետութեան նախագահը
ըսաւ, որ Վենետիկը հայերուն համար մեծ դերակատարութիւն ունեցած է` յատկապէս կրթութեան,
մշակոյթի զարգացման առումով կարեւոր յենակէտ դառնալով: Ըստ Նափոլիթանոյի, երկու ժողովուրդներուն
մերձեցման համար խոչընդոտներ գոյութիւն չունին: Երկու նախագահները համոզում յայտնեցին,
որ Հայաստանի նախագահին այցելութիւնը լաւ կարելիութիւն է բարձր մակարդակով քննարկելու
հայ-իտալական յարաբերութիւնները, ուրուագծելու համագործակցութեան նոր եւ հեռանկարային
մարզեր: Հայաստանի եւ Իտալիոյ նախագահները այդպիսի մարզեր նկատած են ուժանիւթը, մասնաւորապէս`
այլընտրանքային, նաեւ հիւլէական ուժանիւթը: Նախագահ Սարգսեան իտալական ընկերութիւնները
եւս հրաւիրած է մասնակցելու Հայաստանի մէջ իրականացուող ծրագիրներուն, ներառեալ` նոր
հիւլէական կայանի կառուցման` նկատի ունենալով այս մարզին մէջ Իտալիոյ փորձը: Նախագահներ
Սարգսեան եւ Նափոլիթանօ անդրադարձան նաեւ Հայաստան – Եւրոպական Միութիւն համագործակցութեան,
շրջանային խնդիրներուն, ներառեալ` Լեռնային Ղարաբաղի տագնապի լուծման բանակցային հոլովոյթին: