Рым: міжрэлігійная сустрэча на тэму спрэчных святых месцаў
14-15 снежня ў рымскім
універсітэце св. Тамаша Аквінскага пройдзе міжрэлігійная сустрэча на тэму: “Вайна
ці мір? Спрэчныя святыя месцы”, у якой прымуць удзел прадстаўнікі мусульман, юдэяў
і хрысціян з больш за 12 краін свету, у тым ліку з ЗША, Ізраіля, Ірана, Турцыі, Вялікабрытаніі,
Украіны і Італіі. Падчас форума будуць абмеркаваны тэалагічныя, палітычныя і сацыяльныя
канфлікты, звязаныя з кіраваннем святымі месцамі, правы на ўласнасць у якіх маюць
розныя рэлігіі. “Мэта сустрэчы заключчаецца ў тым, каб вызначыць агульнае паняцце
“святога месца” такім чынам, каб прызнаць на тэалагічнай аснове права на яго для адной
рэлігіі”, - адзначаюць арганізатары рымскага мерапрыемства.
Многія старажытныя
і святыя месцы культу падвяргаюцца знішчэнню пад цяжарам часу, чакаючы палітычнага
рашэння, якое не прымаецца. Рашэнні часта набіраюць ірацыянальны і абсурдны характар,
як напрыклад у выпадку Святога Гробу Панскага ў Іерусаліме, дзе адна з лесвіц чакае
ўжо больш за 200 год перанясення ў іншае месца, толькі таму што няма згоды па пытанні,
хто гэта павінен выканаць. “Кантроль над святымі месцамі з боку рэлігій уяўляе сабой
вялікую праблему і дыскусія на гэту тэму можа стаць нагодай для адкрытага і свядомага
дыялогу паміж іх прадстаўнікамі на карысць мірнага суіснавання”, - адзначылі ў заяве
арганізатары сустрэчы.