13 снежня арцыбіскуп
Дамінік Мамбэрці, Сакратар па адносінах з дзяржавамі Дзяржаўнага Сакратарыяту Апостальскай
Сталіцы, падчас свайго афіцыйнага візіта ў Чылі сустрэўся з кіраўніком і супрацоўнікамі
Міністэрства замежных спраў гэтай краіны, а затым з Прэзідэнтам Чылі Себасцьянам Піньера.
Падчас сустрэч падкрэсліваўся добры стан адносін паміж Чылі і Апостальскай Сталіцай
і пазітыўны ўклад, які робяць католікі ў жыццё грамадства, асабліва ў сферы адукацыі,
сацыяльнай дзейнасці і інтэграцыі карэнных народаў.
Акрамя таго, абмяркоўваліся
пытанні, на якія ўжо звярталася ўвага падчас сустрэчы Себасцьяна Піньера з Бэнэдыктам
XVI ў сакавіку 2011 г.: абарона жыцця і сям’і, павага да правоў чалавека і фундаментальных
свабод, уключаючы рэлігійную, сфера адукацыі, вернасць міжнароднаму праву, клопат
аб навакольным асяродзі і сацыяльнай згодзе. Адзначалася, што Апостальская Сталіца
і ўрад Чылі маюць падобны погляд на гэтыя праблемы і фундаментальныя прынцыпы чалавечага
суіснавання.
Падчас свайго візіта ў Чылі арцыбіскуп Мамбэрці сустрэнецца таксама
з старшынямі Сената і Палаты дэпутатаў парламента краіны, а таксама наведае санктуарыі
св. Альберта Хуртадо і св. Тэрэзы з Анд.