Երկուշաբթի 12 դեկտեմբեր 2011։ Առաւօտեան ժամը 11ին Պենետիկտոս ԺԶ Սրբազան Քահանայապետը
ունկնդրութիւն շնորհեց Հայաստանի Հանրապետութեան Նախագահ Սերժ Սարգսեանին ու անոր ընկերացող
շքախումբին։ Նորին Սրբութիւնը արանձնական հանդիպում մը ունեցաւ Սարգսեանի հետ։ Ժամը
11.30 Սրբազան Քահանայապետը իր գրասենեակի մէջ ընդունեց Նոր Զելանտիայի եպիսկոպոսական
համահաւաք դասի շարք մը եպիսկոպոսներ որոնք հռոմ ժամանած են իրենց հնգամեայ կանոնական
այցելութիւնը կատարելու Սուրբ Պետրոսի յաջորդին։ Ժամը 12ին Պենետիկտոս ԺԶ ընդունեց Բրիտանական
Հասարակապետութեան հրեաներու միութեան Ռաբունապետ Ճոնադան Սաքսը։ Յետ միջօրէին Լատինաամերիկայի
անկախութեան երկուհարիւրամեակի առթիւ Պենետիկտոս ԺԶ Սուրբ Պետրոս Տաճարին մէջ գլխաւորեց
Սուրբ Պատարագի Արարողութիւնը։
Երէկ կիրակի 11 դեկտեմբերի առաւօտեան` Հրեշտակ
Տեառն Մարեմեան աղօթքի ընթացքին Սրբազան Քահանայապետը հրաւիրեց Քրիտոնեաները որ ուրախութիւնը
չի փնտրեն Կաղանդի սպառապաշտութեան մէջ, աւելցնելով որ իսկական ուրախութիւնը արտագին
երեւոյթ մը չէ այլ աւելի խոր իրողութիւն մըն է որ կապուած է Աստուծոյ հետ։