Папа ўзначаліць св. Імшу ва ўспамін Маці Божай Гвадэлупскай
12 снежня, ва ўспамін
Маці Божай Гвадэлупскай, Бэнэдыкт XVI узначаліць св. Імшу, якая пройдзе ў Ватыканскай
базыліцы з нагоды 200-годдзя незалежнасці краін Лацінскай Амерыкі, рэгіёна, у якім
пражывае амаль палова з усіх католікаў свету. З гэтай нагоды, у інтэрв’ю нашаму радыё
кардынал Марк Уэлле, прэфект Кангрэгацыі па справах Біскупаў і старшыня Папскай камісіі
для Лацінскай Амерыкі расказаў аб выкліках з якімі на працягу апошніх двух стагодзяў
сустракаюцца народы гэтага рэгіёна. “Канешне, феномен секулярызацыі распаўсюдзіўся
таксама і на лацінаамерыканскі кантынент. Таму існуе таксама жаданне дапамагчы мясцовым
супольнасцям адкрыць іх каталіцкую ідэнтычнасць і захаваць спадчыну іх народнай пабожнасці”,
- сказаў кардынал. Іерарх адзначыў, што Касцёл павінен быць бліжэй да людзей і таму
больш увагі трэба надаваць апостальству свецкіх і клопату аб сацыяльных праблемах.
“Тое,
што знаходзіцца ў кампетэнцыі свецкіх – гэта палітычная і сацыяльная дзейнасць. Таму
гэтым павінны займацца ў першую чаргу свецкія, а не святары, якія, ў сваю чаргу, павінны
засяродзіцца на абвяшчэнні Слова Божага, сакраментальнай дапамозе вернікам і не ўмешвацца
ў палітыку; яны павінны фарміраваць сумленні хрысціян, каб тыя актыўна дзейнічалі
ў сферах у якіх маюць кампетэнцыю. Біскупы павінны быць уважлівымі да розных харызматаў,
ставіць абмежаванні, а таксама дапамагаць вялікай дыяцэзіяльнай сям’і працаваць у
адзінстве, каб яны сведчылі аб Евангеллі зразумелымі словамі”.
Кардынал Уэлле
падкрэсліў таксама важнасць адзінства Касцёла ў Лацінскай Амерыцы перад выклікамі
сучасных сект і глыбокага саацыяльнага падзелу паміж беднымі і багатымі.