Кардынал Кацье: першая евангелізацыя Еўропы страціла сваю сілу
Кардынал Жорж Мары
Кацье, былы прапаведнік Папскага дома, 11 снежня у нямецкім Фрайбургу ўдзяліў біскупскую
сакру кс. прэлату Чарльзу Морэро, сакратару Міжнароднай тэалагічнай камісіі і былому
рэктару Папскага ўніверсітэта св. Тамаша Аквінскага. У гаміліі кардынал Жорж Мары
Кацье адзначыў, што перад новым біскупам сёння стаяць два вялікія выклікі. Першым
з іх з’яўляецца “ўсё большы міграцыйны рух”, у выніку якога шмат нехрысціян прыбывае
ў Еўропу, а другім з’яўляюцца людзі, якія адышлі ад Касцёла. “Мне здаецца, што першая
евангелізацыя Еўропы, якая прынесла людзям святло Хрыста, страціла сваю сілу”, - сказаў
іерарх. Кардынал Кацье падкрэсліў, што “хрысціянства пакідаюць, ці хочуць пакінуць
тыя людзі, якія думаюць, што ўжо зразумелі яго, але ў сапраўднасці пра хрысціянства
зусім нічога не ведаюць”. “Такая сітуацыя тычыцца, перш за ўсё, маладога пакалення,
якое мае шмат стэрэатыпаў і намагаецца “вызваліцца ад мінулага, бо думае, што яно
ўжо нічога добрага ім не прынясе”,- сказаў іерарх.