Бэнэдыкт ХVI прыняў на аўдыенцыі Прэзідэнта Арменіі
12 снежня папа Бэнэдыкт
ХVI прыняў на аўдыенцыі Прэзідэнта Рэспублікі Арменія Сержа Саргсяна, які затым у
суправаджэнні міністра замежных спраў Эдварда Нальбандзяна, сустрэўся з кардыналам
Дзяржсакратаром Тарчызіо Бэртонэ і арцыбіскупам Этторэ Балестрэро, намеснікам Сакратара
Апостальскай Сталіцы па адносінах з дзяржавамі. У паведамленні Залі Друку Апостальскай
Сталіцы адзначаецца, што сустрэчы прайшлі ў сардэчнай атмасферы і падчас іх падкрэсліваўся
добры стан узаемных адносін. Абодва бакі абмяняліся думкамі аб ролі Армянскай Апостальскай
Царквы і Каталіцкага Касцёла ў жыцці грамадства, а таксама іх укладзе ў супольнае
дабро краіны. Падчас сустрэчы падкрэслівалася важнасць хрысціянскай спадчыны Арменіі
і неабходнасць спрыяння адукацыі новых пакаленняў на аснове хрысціянскіх каштоўнасцяў.