Святы Айцец: кожны з вас павінен быць часткай Касцёла
11 снежня ў першай
палове дня Бэнэдыкт ХVI адведаў рымскую парафію Маці Божай Ласкаваў, якая размешчана
ў паўночна-ўсходняй частцы Вечнага Горада. Падчас візіта Святы Айцец сустрэўся з дзецьмі
і моладдзю парафіі. Папа заклікаў іх да актыўнага ўдзелу ў жыцці сваёй парафіяльнай
супольнасці. Затым ўзначаліў св. Імшу ў мясцовым касцёле. У гаміліі спасылаючыся да
літургічных чытанняў сённяшняй нядзелі Бэнэдыкт ХVI адзначыў, што постаць св. Яна
Хрысціяцеля заклікае нас да таго, каб даваць сведчанне пра хрысіцянскае жыццё, трэба
прыняць да сябе і браць прыклад з Езуса, якога паслаў Айцец. “Жыццё хрысціян набірае
свой сэнс з адносін з Хрыстусам і нашым абавязкам з’яўляецца занесці Яго навуку іншым
і прывесці іх да Езуса”, - сказаў Папа. Святы Айцец заахвоціў мясцовых католікаў,
каб іх супольнасць станавілася ўсё больш актыўнай. “Кожны з вас павінен адчуваць сябе
быць часткай гэтага касцёла. Супольнасць будуецца праз уклад, які ўносіць кожны з
яе членаў”, - сказаў Бэнэдыкт ХVI. Папа звярнуў увагу на асаблівую важнасць Эўхарыстыі,
якая з’яўляецца цэнтральным пунктам нядзелі, і якую трэба адкрыць і перажываць як
дзень Пана і хрысціянскай супольнасці.
Пантыфік спаслаўся таксама да выклікаў
сектаў і заклікаў мясцовых католікаў, каб былі чуйнымі перад імі і паглыблялі сваю
веру, якую перадае ім Касцёл больш за дзьве тысячы гадоў. Гаворачы аб небяспеках,
якія нясе сучасны свет Папа заклікаў вернікаў перамагаць абмежаванні індывідуалізма
і закрыццё ў сябе самых. “Вера з’яўляецца дарам ад Бога, але патрабуе ад нас адказу,
рашэння, каб ісці за Езусам не толькі тады, калі Ён лечыць і падтрымлівае на духу,
але таксама і тады, калі гаворыць пра любоў аж да самаахвяравання”, - сказаў Бэнэдыкт
ХVI.