Біскупы Іспаніі: Будучыня Еўропы залежыць ад сям’і
Біскупы Іспаніі апублікавалі
спецыяльны зварот пад назвай “Хрысціянская сям’я. Укаранёная ў Хрысце”, у сувязі з
падрыхтоўкай да свята Святой Сям’і, якое Касцёл адзначыць 30 снежня. У пасланні адзначаецца,
што “Стары кантынент ня здолее выйсці з крызісу, які ахапіў не толькі эканаміку, калі
не будзе абапірацца на сямейныя каштоўнасці і на канкрэтную падтрымку традыцыйнай
сям’і”.
Узгадваючы аб тэме Сусветных дзён моладзі, якія прайшлі ў жніўні 2011
г. у Мадрыдзе - “Моцныя ў веры, укаранёныя ў Хрысце”, іерархі адзначаюць, што гэты
заклік адносіцца і сем’яў, ад якіх залежыць будучыня кантынента.
Іспанскія
біскупы, падкрэсліваюць, што адраджэнне Еўропы застанецца пад пагрозай, калі не будзе
праходзіць праз умацаванне сям’і. Таму, на іх думку, неабходна тэрмінова і канкрэтна
адказаць на выклікі праблем звязаных з недахопам жылля, адукацыяй дзяцей і балансам
паміж сямейным жыццём і працай.
Біскупы заклікаюць усе хрысціянскія супольнасці,
рухі і аб’яднанні быць сведкамі паслання і місіі, якую Папа акрэсліў падчас прыбывання
ў Іспаніі: “Сям’я заснаваная на дары, які Хрыстус-жаніх дае непарыўнаму і адкрытаму
на жыццё сужэнскаму саюзу з’яўляецца часткай чалавечай надзеі”.