Ֆրանսայի Ազգային Ժողովը Ընդունած է Հայոց Ցեղասպանութեան Ժխտումը Քրէականացնող Օրինագիծը
Ֆրանսայի Ազգային Ժողովը Իրաւական հարցերով մշտական յանձնաժողովը՝ ֆրանսացի քանի մը պատգամաւորներու
առաջարկով՝ ընդունած է Հայոց Ցեղասպանութեան ժխտումը քրէականացնող օրինագիծը: Այս մասին
Ֆրանսայէն կը հաղորդէ անկախ լրագրող Ժան Էքեան: «Յոյսով եմ, որ մենք կ’երթանք մինչեւ
վերջ, եւ Ֆրանսան մարդու իրաւունքներու երկիր կ’ըլլայ»,– ըսած է յանձնաժողովի անդամ Վալերի
Պոյեր: 16 Հոկտեմբեր 2006ին Ֆրանսայի Ազգային ժողովը հաւանութիւն տուած էր Հայոց Ցեղասպանութեան
ժխտումը քրէականացնող օրինագիծին: Սակայն օրէնքը կեանքի կոչելու համար անհրաժեշտ էր անոր
հաստատումը Ծերակոյտին կողմէ: Ֆրանսայի Ծերակոյտը 2011 Մայիսի նիստին՝ ձայներու 196
դէմ եւ 74 կողմ յարաբերակցութեամբ՝ մերժեց Հայոց Ցեղասպանութեան ժխտումը քրէականացնող
օրինագիծը: Օրինագիծի հաստատման պարագային՝ Ֆրանսայի մէջ Հայոց Ցեղասպանութիւնը ժխտողներուն
պիտի սպառնայ մինչեւ մէկ տարուան ազատազրկում եւ 45.000 եուրօ տուգանք: Ֆրանսայի Ծերակոյտը
յառաջիկային կը պատրաստուի քննարկել Հայոց Ցեղասպանութեան ժխտումը քրէականացնող օրինագիծը: