Սերժ Սարգսեան Դեկտեմբեր 7ին Ֆրանսայ Կը Մեկնի։ Իսկ 12 Դեկտեմբերին Վատիկանի մէջ Պիտի Տեսակցի Պենետիկտոս ԺԶ Սրբազան Քահանայապետին հետ։

Հայաստանի նախագահ Սերժ Սարգսեան Դեկտեմբեր 7ին կը մեկնի Ֆրանսա, ուր այցելելով Մարսէյի Հայ Համայնքը,Նախագահը անոնց պիտի յայտնէ Հայաստանի Հիւպատոսարանի բացման մասին: Դեկտեմբեր 8ին պիտի կայանայ Սերժ Սարգսեանի հանդիպումը Ֆրանսայի պետական պաշտօնատար անձերու հետ:Կ՛ենթադրուի, որ Հիւպատոսարանը գլխաւորէ յայտնի հայ գործարար, «Franck Muller» աշխարհածանօթ ժամացոյցներու հանրայայտ ընկերութեան սեփականատէր Վարդան Սրմաքեշ:
Հայաստանի նախագահին կ՛ուղեկցին ՀՀ Արտաքին Գործոց նախարար Էդուարդ Նալբանդեան եւ Ֆրանսայի մօտ Հայաստանի Դեսպան Վիգէն Չիթեչեան: Իսկ 12 Դեկտեմբերին Հայաստանի Նախագահը Վատիկանի մէջ պիտի ընդունուի Պենետիկտոս ԺԶ Սրբազան Քահանայապետի կողմէ,ու նաեւ Հռոմի մէջ հանդիպումներ պիտի ունենայ Իտալիոյ Հանրապետութեան Նախագահ Ճորճօ Նափոլիթանոյի, ու Հռոմի քաղաքապետ Ճաննի Ալէմաննոյի հետ։ Նախագահ Սերժ Սարգսեան 14 Դեկեմբերին պիտի մեկնի Վենետիկ։