Սրբազան Քահանայապետը Ցաւ Կը Յայտնէ Ի Տես Յիսնակաց Շրջանին Անսանձ Եռուզեռին։
2 դեկտեմբերին, Վատիկանի մէջ տեղի ունեցաւ Ծննդեան համերգ մը եւ շարժապատկեր- վաւերաթուղթի
մը ''ծիսական Յիսնակացը Պավարիայի մէջ'' նիւթով, ներկայութեամբը՜ Պենետիկտոս ԺԶ սրբազան
Քահանայապետին։ Այդ գեղարուեստական արարողութեան աւարտին, Նորին Սրբութիւնը ընդգծեց
որ ծիսական Յիսնակաց ժամանակաշրջանը պէտք է ըլլայ լռութեան ժամանակ մը։ Դժբախտաբար, ցաւով
դիտել տուաւ Սրբազան Հայրը, որ այդ շրջանը դարձած է երթեւեկի ու առեւտուրի անսանձ ժամանակ
մը։ Բարեբախտաբար ժողովրդական հաւատքի աւանդութիւնները ոչ միայն չկորսուեցան, այլ
ընդհակառակն՝ վերանորոգուեցան եւ խորացան։ Այս աւանդութիւնները կը սատարեն հաւատացեալին
հաւատքը ամրապնդելու եւ զարգացնելու։