Në Kroaci, e majta fiton bindshëm zgjedhjet. Sipas rezultateve të para, koalicioni
i udhëhequr nga socialdemokrati Zoran Milanoviç ka fituar 44% të votave. Ndërkaq,
konservatorët e Bashkimit Demokratik kroat të kryeministres Jadranka Kosor kalojnë
nga 37%-shi i katër vjetëve më parë në 22-25%-shin e sotëm. Gjithsesi, qeveria aktuale
mund të mburret për suksese në politikën e jashtme, si integrimi në Bashkimin Evropian
dhe normalizimi i marrëdhënieve me Serbinë. Ekzekutivit të ri do t’i duhet të zgjidhë
problemet ekonomike të vendit dhe të luftojë papunësinë.